Funky Odyssey: 人生低潮

星期六, 4月 15, 2006

人生低潮

今晚johnson同我講"你而家好似讀得幾開心喎"
無錯，比起以前既日子，我而家的確讀得稱心如意
以前係poly既時候，有開心亦有唔開心
我以前成日諗，點解我alevel學既野而家一d都用唔著，而家竟然乜都唔識，甘我甘辛苦考alevel黎做乜呢......
由零開始既感覺，真係好難受，仲要比好多人屈機，果時真係心有不甘甚至鬱鬱不得志
由果陣時開始，我已經深知我唔係讀電腦既材料，所以果陣時係以好灰既心態去讀
當你要分組做project時，正因為你咩都唔識，唔洗旨意同d勁人一組
你可以做既就只有低聲下氣去求人收留你，你好命既話就可以埋到堆
但係我無求人收留我，因為我仲有少少骨氣，即使知道做唔到或者份project好低分都好
我都唔想刻意埋人堆
到最後無 partner既人就會好自然甘走埋一齊，所以我就同左班包勁既同學一齊做埋d好包勁既project，每次我地做親既project都會係最低分
雖然係甘我都無埋怨過，因為我知佢地有努力過，甚至乎比我做得更多
無論份project幾低分做得幾爛都好，最低限度我過得人過得自己

仲記得sem2時有幾個project要做，一個係database management一個係it workshop一個係mm workshop
係呢幾個project上，我出既力真係少之有少............
咩vb咩asp咩 perl咩cgi咩access咩iis咩director，我全部都唔識！！
我可以做既只係documentory上面既野，當佢地寫緊program時候，我只好無禁又無助甘望住佢地.........當佢地通宵達旦甘做緊project時，我想訓又唔好意思訓，想走又唔好意思走.........但係留係度又唔知做咩好....
呢種感受真係好差，覺得自己勁無用，我而家依然記憶猶新
所以我好憎電腦

到sem3時情況有好轉，cip 兩個project我都有落手落腳幫手做
第一次用vb做，第二次用jsp做
但係呢兩樣language我開頭係完全唔識，但係又唔想再只係做documentory...
最後自己一路學一路幫手做
結果總算完成左，雖然又係好低分，但係總算叫做自己有份做，果種滿足感總算係一點點安慰
之後又有科死人bobby教既唔知乜q user interface又要交project
最後做出黎果舊野真係嚇死人
組組去present時都著哂suit，我地果組個個都牛記笠記，真係型都爆

最後一個sem總算有所成就，科ecommerce project我真係引以為傲
多得bill既加入，成team人既技術提升左不少，仲學識埋php添
當其他組仲係lab趕緊project時，我地已經hea到可以一齊走去睇歐聯，因為我地一早做好哂之餘仲做得比預期中好
至於mmir個 project，都叫做可以完成自己既task
雖然有d做錯，以自己既資質黎講已經算唔錯了

其實仲有個fyp，我已經唔想再提了，不過都要再三多謝java既忍讓，因為我覺得我choose左呢個topic去做係有d不智，真係唔好意思
不過最唔好意思既係我不斷向你呻讀電腦係幾甘唔好、幾無前途、點點點點點甘
搞到你有d比我洗左腦，最後要你遲左一年先報返個part time degree..........
其實自己衰就好，仲要整到人對電腦呢科十五十六......

諗返起上年呢個時間，仲同你地一齊成日留係poly 玩/做通霄，其實都幾懷念
雖然我相信係poly既兩年係人生中最黑暗既日子，但係亦不乏開心既事，因為有你地呢班甘"屎"既人部我屎，哈

其實畢業禮果日，我係特登唔租袍去架，因為我唔想再諗起mmc既痛苦日子
但係我果日選擇去，係因為有你地< /p>

隔左成年，我終於對poly既不滿同唔開心講哂出黎，真係鬆左一口氣

而家係bu，我完全無左果種由零開始既感覺，因為可以重拾alevel所學過既，所以正如johnson所講"你而家好似讀得幾開心喎 "
我唔係想話曬幸福，係因為我真係好開心，開心到想同你地分享我既喜悅

雖然要由year1讀返起，仲要大人地幾年，但係我並唔介意，仲覺得自己所選擇既路正確無誤

另外，正因為以前自己經歷過呢d不愉快日子，所以我而家對bu既同學都好體恤，科programming上我可以教既，我都會盡能力教，我真係唔想係你地身上見返以前既我，果個一無是處既我

有好多人都話我而家好勤力，其實只係我學識左去珍惜我而家所擁有既一切，因為我知而家呢一切絕對係得來不易。又或者我已經有所改變。

撰於2006年4月13日凌晨