Funky Odyssey

最緊要正"音"

近十年黎，香港樂壇以偶像派當道。只要你有天使面孔又或者魔鬼身材，
就可以唔理"聽"眾感受，在台上製造聲音污染。
污染來源有twins、yumiko同stephy等等。近日發覺stephy有一首新歌，
我不幸地聽過兩三次...好痛苦!!
果首歌對stephy黎講係充滿挑戰，因為果首個key都幾高。
我見佢唱呢首歌唱得非常吃力，好多位佢跟本唱唔到但係又要"格硬"唱。
佢唱得辛苦之餘，聽果個就仲辛苦。污染指數極高!
我諗而家d後生仔已經再唔係用耳仔去聽歌，而係用雙眼聽歌。聽歌不知
不覺間演變成一種視覺享受，「人靚咪得囉!!」。

另一個新存在既聲音污染問題係懶音，「最緊要懶音」。
而家既年青人既懶音問題非常普遍，好多人講野都有懶音，不過都係間唔
中一兩個字"懶"左o者。
不過最近有條銀樣真係要小小佢，條友就係蔡淇浚(無線果條靚仔)。佢每
一句對白中幾乎個個字都有懶音，洗唔洗懶成甘先，真係聽到我好炆。
我懷疑佢條脷係唔識郁既，真係「超低能‧勁搞笑」。

posted by Jay Kay @ 2:49 上午