Funky Odyssey

包勁詮釋

包勁一詞，係好耐之前係我某d朋友口中聽返黎，其實我已經唔記得左呢個字係點解。
但係自從上年尾，突然醒起呢個字，更加巧合地令我對某些事情就會聯想起呢個字......
從此就將包勁二字斷章取義下來....正確黎講應該係已經曲解左呢個甘神聖既字
好多同學都以為包勁一詞係從某同學身上洐伸出黎，其實完全唔關佢事，希望各位唔好再將包勁與某同學畫上等號
包勁既人會許下諾言，對人地或者對自己講:對於呢件事，我一定會做到!!
每聽到有人甘講，我就不禁暗笑起來，不其然就想起包勁兩字
最過隱既地方，就係你可以見證佢做唔到果一刻，其後你就可以痛快地大叫包勁!!
當你興奮過後，再細想佢當初口響響既樣同而家個包勁樣相比，你就不禁再次興奮起來，身體每個細胞頓時將能量如溫泉泉水般轟隆轟隆地從心底裏湧出來，再一次狂乎包勁，非常過隱!!
呢種二段既暢快感覺有如坐在過山車上，飛越一個又一個既高峰
此外，包勁既利害之處就係可以令當時人無翻身之地，因為當時人會被自己所做既包勁事感到異常尷尬而失去與人辯論下去的勇氣

普通例子一:
曾同學和吳同學應承了負責某project既其中一part(search function)，但係過了一個多星期，果然不負眾望，有人包勁了。最可惜既係佢地已經變得醒左，沒有拍心口狂言要幾時之後交貨，結果未能直指其太陽穴，大聲說道:包勁!!

普通例子二:
一間位於彌弴道、外表其貌不揚既酒店，為了吸引人前去品嚐其lunch buffet，在其十呎長既大堂門口外擺出一張寫上$55而且印有無盡各國美食既poster，結果引來了3個二十出頭的年輕小伙子;他們帶著可憐而瘦削的胃，一心想把胃帶來無盡生機，可惜世事豈如人意........
心想的熱騰騰既魚翅變成冷血不仁既冷"面"
惱中的廚師沙拉換成一條條的油菜
3名自命不凡既小伙子只好硬著頭皮大叫好味道的同時，心裏亦激動地高呼包勁
自此以後，呢間酒店就被美譽為真包勁酒店

經典例子一:
某同學在上一個sem，一開學就誓神擘願甘話一定要爆gpa，沒錯，頭幾個week佢的而且確好勤力，可惜到最後.......;結果大家都覺得佢好包勁

從經典例子一可以引正出時間(t)同包勁程度(x)係有好大既correlation，潛伏期越長，包勁程度越大，因此得出p formula
p formula: x = exp(t)


經過一連串既包勁事件後，現在，事無大小的事可能會被人話你包勁，小心

posted by Jay Kay @ 1:37 上午